تراك اجمل قصيدة حب !!!!

[شاطئ الليث]

أتمنى أن تجد لوجزء بسيط من ذائقتكم الراقيه


تراك اجمل قصيدة حب !!!!

حبيبي لاتكبرها ترى الضيقـه تجـي وتـروح
واناطالـبـك تكـفـى ياحبيـبـي لاتكبـرهـا
ترى الدعوى بسيطه لاتزوّد فالجـروح جـروح
وانا بكتب قصيـده فالمحبـه وأنـت شاعرهـا
أنا لولاك ماشيدت لي وسط القصيـد اصـروح
تراك أجمل قصيـده حـب أكسرهـا وأجبرهـا
تراك أنت الوحيد اللي سكن وسط الجسد والروح
و تراك أحلا عبـاره دايـم أكتبهـا وأعبرهـا
تراك أنت البدر لامن طلع زاد الوضوح وضوح
تراك أحلام توقضني ولا ادري كيـف افسرهـا
عطيتك من عروق القلب شيكٍ بالغـلا مفتـوح
وعطيتك كل كلمه من صميـم القلـب مظهرهـا
وتخطي ثم تخطي بس أقول بخاطـري مسمـوح
أنا وشلون أطالـع غلطتـك ياكيـف أناظرهـا
غيابك طال لين اصبح خبرنا بالعشق مفضـوح
وكـلٍ عـارف القصـه مـن اولهـا لياخرهـا
وطعونك خلت اعروق المحبـه دمهـا مسفـوح
تعال وبشر اطعونـك تـرى فـازت خناجرهـا
ترى مقدر على صدك ومهما تروح أنا بـاروح
اليـن القـاك واجـدد محبتـنـا واطـورهـا
وكلمه من ضميري قلتها لك تشفـي المجـروح
لجل عينـك باكررهـا ولجـل حبـك باكررهـا
نصيحه:نترك الماضي ترى الضيقه تجي وتروح
وترى الدعـوى بسيطـه ياحبيبـي لاتكبرهـا




للشاعر القدير
نادر بن جخير

راجياً أن تتقبلوا مني اصدق التحايا وأعذبها

....

[ابو هاني اليزيدي]

تراك أنت البدر لامن طلع زاد الوضوح وضوح



تسلم يابوعبدالرحمن على هالنقل الموفق




الله يعطيك العافيه



تقبل مروري

[شاطئ الليث]

شكرا ابو هاني على المرور

وتقبل تحياتي

اخوك

ابو عبدالرحمن

[ريـــــمـــــآ]

روعة يا أحمــد

كلمات في منتهى الجمال
مليئة بآروع احساس

اختيار موفق

ويدل على ذوقكـ الرفيع


تحيتي

[شاطئ الليث]

ريما

شكرا على ردك وتواجدك

ويسعدني هالتواجد الذي زاد الاختيار روعة وجمالا

وتقبلي خالص تحياتي

ابو عبدالرحمن